الثقة نيوز

الثقة نيوز - حالة من الجدل أثارها زفاف البلوجر، آية مكرم، وتحديدا رد فعلها على مفاجأة النجم تامر حسني، إذ دخل الحفل متخفيًا في هيئة مصور مرتديًا «ماسك» لا يظهر ملامحه، وبعد الكشف عن هويته كان الذهول والفرح الشديد مسيطرين على العروس، التي ظلت تقفز وترقص وعلامات الدهشة لا تفارقها، وهو ما انتشر على مواقع التواصل الاجتماعي، مصاحبا بهجوم على آية مكرم، معتبرين أن رد فعلها مبالغ فيه ولا يحترم زوجها الماكث بجوارها

وبعد أيام من الهجوم، وردود آية مكرم وصديقاتها، خرج الفنان تامر حسني في أول تعليق على الفرح، مستنكرًا الهجوم وشارحًا كواليس معرفته بالبلوجر، وتصميمه على مفاجأتها في حفل زفافها، بكتابة «استوري» طويلة على موقع تبادل الصور «إنستجرام»

أول رد من تامر حسني على زفاف البلوجر آية مكرم

وكتب تامر حسني، في أول رد له على الفرح: «آية غير إنها بنت ناجحة ومحترمة وطموحة، هي أصلا من محبيني من وهي طفلة، ودايما كان بيجيلي منها رسايل من صغرها إن أمنيتها إني أغني في فرحها، وبعتتلي من فترة إني بالنسبة لها مثل أعلى في النجاح، وبتستمد مني طاقة إيجابية بتفرحها وبتنجح بيها»

وتابع تامر حسني: «تخيل لو النجم أو الفنان اللي هو مثلك الأعلى ميكنش عندك مقدرة مادية إنك تجيبه يحييلك فرحك، ولأن الفنان دا صدق طاقتك اللي وصلته من حروف صغيرة، ولكن صادقة كل الصدق، فتساعد الظروف هي الأخرى ويتم إلغاء ميعاد مهم عندى من أطراف أخرى، لتأتي الظروف وتساعد، وأصبح فاضي في هذه الساعة، فأذهب دون مقابل لفرحة آية الطفلة اللي كبرت، وطول عمرها بتتمنى اللحظة دي، من خلال حروف بسيطة، فأروح وافرحها هي وعريسها الجميل الشاب الطموح المحترم هيمن، اللي محبش مثل أعلى واتعلق بيه من صغره ولقاه جانبه بيحقق له أمنية من أمنيات حياته، مش هيفهم الكلام دا، بس دي علاقة صدق في الطاقات الحب، بيألف قلوبها ربنا، عشان الناس تفرح، وفى فرحة بتحليك مش في كامل وعيك، من كتر مانت مش مصدق، ودا انا قولته فى أغنية «يافرحة»، «يااااه مش مصدق»، ربنا يرزقكم كلكم الفرحة دي، مبروك لحبايب قلبي اخواتى الصغيرين آية وهيمن، حب الناس الطيبة لفرحتكم ميتوصفش»

رد آية مكرم على كلام تامر حسني

وأعادت البلوجر آية مكرم، نشر رد تامر حسني وأرفقت تعليقا كتبت فيه: «إنسان قبل ما يكون فنان، لما تامر حسني ينزل ويكتبلي كدة أعمل إيه!، رضاني بعد ما الناس كسرت بخاطري وكسرت فرحتي، ربنا يرتضي قلبك زي ما راضيتني، اتعلمت منك كتير ولسه بتعلم يا تامر»

آية مكرم ترد بفيديو على منتقديها

وقبل رسالة تامر حسني، كانت البلوجر آية مكرم، خرجت عن صمتها، وأرفقت فيديو على حسابها على «إنستجرام» يشير لوجود تجمهر كبير من الحضور على مسرح قاعة الفرح مع وجود تامر حسني وعليه قالت لبنت أخيها أن تترك المسرح خوفا عليها

وتابعت موجهة الحديث لمن انتقدوها: «اتفرجوا وشوفوا واحكموا بنفسكوا، لو شوفتي بنتك في مكان عليه هجوم كده هتعملي إيه، دي بنت أختي وخايفة عليها أكتر منكوا، وأظن الفيديو أثبت ده.. ركزوا هتلاقوني قولتلها انزلي بسرعة، وهو قالها كده وإيده باينة، وهو بيشاور لها»